Já þá erum við stöllur komnar með ferðablogg, vona að við verðum duglegri að henda inn færslum þar en við erum hér:)

www.123.is/miami08

Miami Beach

Sample activity week

Optional excursions and trips

• Disney World
• Florida Keys
• Fort Lauderdale
• The Bahamas and Jamaica - uhhhh JÁ!!!!!!

Þegar ég skoðaði þetta fyrst hafði ég satt að segja ENGA trú á því að ég væri að fara, en við erum að tala um það að þetta er Raunveruleiki! ég er svo spennt að ég veit ekki alveg hvernig ég á að haga mér!

einhvernveginn hélt ég alltaf að það yrði e-ð sem myndi stoppa mig og halda mér hérna á klakanum, hvort sem það var vegabréfsáritun eða e-ð allt annað, var nú næstum hætt við hérna fyrir jól, en nei það stoppar mig ekkert þegar ég er í Ferðahug!

Þetta verður sko klárlega ferð sem mun fara beint í reynslubankann ( sem er orðinn heldur stór núna) og get ekki beðið eftir því að sjá U.S and A :) ég er loksins að verða e-ð spennt og mér finnst þetta vera orðið raunverulegt og ég farin að trúa því að ég verði virkilega þarna.

Enda vel komnar í Ameríska haminn eftir að hafa farið 3 ferðir niður í sendiráð;) og haldiði ekki að Ameríkaninn frá Grindavík sem ætlaði að giftast mér sé að vinna þar svo það voru nú ekki leiðinlegar ferðir, mikið heitur og mikið sætur gæi:)

Svo er ég búin að skoða NY á goggle earth fram og til baka og finna allt sem ég ætla að skoða og sjá. Hótelið okkar er alveg við Central Park og Broadway og örstutt að skoppa yfir á 5th avenue þar sem trump tower er og rockefeller Center svo lætur maður minnismerkin um World Trade Center ekki fram hjá sér fara! úff það er margt að skoða! ;)

Miami boðar einnig gott, það er í kringum 22 gráður þar að meðaltali yfir daginn, akkurat passlegt fyrir mig:) Við skutlur ætlum svo að skrá okkur í Pilates eða e-ð í þá áttina, já maður verður að gera þetta með stæl:)

Sigrún kemur svo þann 10. feb með vinkonu sína í eftirdragi og erum við 4 búnar að ákveða siglingu yfir til Bahamas og hver veit með Jamaica:)

Einungis 10 dagar þangað til og ekkert eftir nema að pakka og opna sér ískaldan bjór á leifstöð!

Sara Margrét ætlar svo að koma til NY og hitta okkur Intsíbjörtsu á leið heim og verðum við líklega þar í 3 nætur, og hér með auglýsi ég eftir fleiri um að koma með:)

Miklar líkur á Afríkuferð í ágúst og hver veit nema ég fari aftur til svíþjóðar sem ,,aupair" (til frænku) þangað til. Svo var ég einnig að festa mig í Laugalandi aftur og mun ég eyða 6 vikum af sumrinum mínu þar, maður neitar ekki þegar yfirmaðurinn biður mann að koma aftur á þriðja degi nýs árs:) (já ég er ógó montinn, alltaf gaman að heyra þegar maður gerir vel)
Stefnan er svo sett á DK í haust þar sem ég hef hug á að setjast á skólabekk og láta gamlan draum rætast, en svo getur allt breyst, hver veit nema ég finni mér ameríkana eða vilji prófa háskóla þar, svíarnir eru líka sætir, hver veit nema ég enda þar. En auðvitað er planið bara að njóta ameríkunnar og svo kemur allt annað í ljós seinna.

Svo hjá mér er allt á uppleið og jesús hvað ég er fegin að hafa verið lokuð inni með bókunum mínum í þessa skitnu 4 mánuði í haust, það er ástæðan fyrir að ég get leyft mér allt þetta!:)

Gæti lífið verið betra? :)

ER svo að vonast til að nenna að koma með eins og eitt áramótablogg við tækifæri svona allaveganna fyrir mig til að eiga, það er bara svo erfitt að einbeita sér að fortíðinni þegar svona margt er að gerast NÚNA og út þetta ár:)

Ég veit ekki hversu oft ég hef sest hérna niður og ætlað að blogga, það er bara svo mikið að gerast, gera og spenna í gangi að ég hef enga einbeitingu til að sitja kyrr! Fáið þetta í punktaformi þetta skiptið:

- Náði öllum prófunum mínum, með misgóðum einkunum þó en alveg nokkrar einingar komnar þar:) (kenni svefnleysi og næringarskorti á próftíma um þar)

- Jólin mín voru Yndisleg, eyddi þeim þó að mestu leiti með fólkinum mínu í Breiðholtinu og minna með þeim hér á Kvisthaganum.

-Fékk fínar jólagjafir sem ég er himinlifandi með.

- Mikið borðað og mikið hlegið og meira að segja grátið smá á aðfangadag, það voru gleðitár. Komst að því að ég á bestu foreldra í heiminu og þá er mælikvarðinn ekki gjafirnar. (já það má vera smá væmin á jólunum) meira að segja ég;)

-Milli jóla og nýars gerðist ég sófadýr í sófanum heima hjá Hjalta þar sem var legið myrkranna á milli, svona þegar ég var ekki að vinna.

-Strákurinn hennar Ragnheiðar var skírður og heitir hann því fallega nafni Birgir Orri;*

- Eitt af skemmtilegri djömmum sem ég hef farið á átti sér stað sama dag, þegar Vala bauð kvennópíum + mér í matarboð og þaðan var farið með limmu niður í bæ (já við erum of töff) og haldiði ekki að við höfum nappað tveimur pelabarnamömmum með okkur í bæinn þvílík gleði:) og ekkert smá gaman að fá Ragnheiði Back in Buisness;) Hún var án efa stjarna kvöldsins.

- held ég hafi spilað í kringum 10 borðspil og viti menn ég tapaði þeim ÖLLUM!! hvað er þetta með mig?

- Eftir að ég hætti að passa völu flutti ég inn til Intsíbjarstar þar sem við hömuðumst sveittar við að redda öllu mögulegu og ómögulega sem þurftir að redda fyrir ameríkuferðina okkar miklu:) og hvort sem þið trúið því eða ekki er ALLT tilbúið, reyndar búnar að fara á allar stofnanir og fyrirtæki á höfuðborgarsvæðinu til að ná í hitt og þetta, meira hvað þessir bandaríkjamenn eru forvitnir.

- Ég er að springa úr hamingju og spenningi:)

- Ohh það er svo margt sem mig langar að segja ykkur meira ég er bara komin með svona pirring í hendurnar og ég nenni ekki að vera meira í tölvunni:) ætla fara að þvo þvottinn minn


Far vel :)

Já þá hefur Hallgerðar syndrómið komið að góðum notum í kvöld, Þvílíkur horbjóður sem skata er!

Ef það væri hægt að deyja úr fýlu væri ég dauð TVISVAR!

Kveið kvöldinu þvílíkt þar sem hugsaði til þeirra viðurstyggðar sem þorláksmessa var í fyrra, enda þurfti ég að sjá um skötupartýið hér í fyrra líka!

Held ég hafi ekki ilmað svona vel síðan... já seinustu jól þegar við Anna Stella mín suðum helmingi meiri skötu og þurftum að skiptast á að hlaupa inní eldhús til að setja á  diskinn hjá grey fólkinu sem horfði forviða á okkur krakkabjánana og borðuðu þennan viðbjóð með bestu lyst!

En þetta árið var sko ekkert vælt, náði fram henni Hallgerði vinkonu minni (hin persónuleikinn) og hún stóð sig með endæmum vel þessi elska sauð þetta eins og aldrei væri morgundagurinn og kúgaðist ekki einu sinni (annað er Ragnhildur (hversdagslega ég) gerði um helgina) muhaha ekki skrýtið að við Hallgerður séum á lausu;)

Svo sé ég fram á það að losna hérna fyrir 6 á morgun svo ég get eytt jólunum með minni heittelskuðu móður, verðum bara tvær þetta árið. Þar sem einhverjum dagskrástjóra uppá 365 fannst meira en lítið sniðugt að breyta til og hafa beina útsendingu klukkan 18.00 á aðfangadagskvöld. Svo hann faðir minn mun eyða kvöldinu í vinnunni! Já skrýtin en góð jól, en þó kannski ekki eins skrýtin og þau sem við Anna Stella áttum saman hérna´uppí stuðló í fyrra:) en hey ég kann þó að elda jólasteikina, kostur:)

Búin að fá Jóla/afmælisgjöf frá einni af kærustunum mínum, og má segja að hún hafi staðið með prýði þessi elska, heilnudd í baðstofunni í Laugum get ekki beðið! hin kærastan mín kom svo með jólagjöf handa mér áðan og ég hef það sterklega á tilfinningunni að hún hafi hitt beint í mark!;)

Svo ég er rík:)

Gleðileg jól gel-bossarnir mínir og ekki éta yfir ykkur:)

Mikið er ég nú heppin ,,ung" stúlka:)

Takk fyrir allar fallegu kveðjurnar, ótrúlegasta fólk sem mundi eftir deginum mínum:)

Þið eruð æði!!




Þessi er 6 ára gömul í dag;)

Já enn eina ferðina, hvað er málið og hvað á ég að gera? ALDREI ALDREI hef ég verið jafn mikið mess í prófum ég bara sef ekki og borða ekki! og svo klúðra ég hverju prófinu á fætur öðru!

Til hvers er maður að standa í þessu!

Skrýtið

Fyrir klst síðan lá ég andvaka og hugsaði: ,,sjitturinn titturinn er að fara í próf Á MORGUN og hef ekkert náð að sofa "
nú kríublundi og klst síðar sit ég andvaka og hugsa: ,,Sjitturinn titturinn próf Á EFTIR og ég ekkert búin að sofa"

Skemmtilegt hvernig hvernig hugurinn leikur við mann..... ekki satt?

Já nei það þykir mér ekki, það er sko aldeilis ekki tekið út með sældinni að vera svona fluggáfuð og gullfalleg eins og ég, vaknaði upp með þessa svoleiðis svakalegu magapínu og langar að æla úr mér garnir, lifur og lungu, maginn á mér lítur út eins og það séu 3 fullvaxtabörn trampandi um þarna inni (nei er ekki ólétt, samt sem áður góð ágiskun hjá þér) svo bólginn er hann.

Ohh hjálpi mér!!! ég er bara svona kvíðin vegna þess að ég er búin að læra svona mikið og þá býst ég við mun meiru af sjálfri mér...... andsk***** Mig langaði svo að fá gott í þessu en nú er ég dauðadæmd ohhh allt eftir að fljúga útúr hausnum á mér yfir í næsta mann sem ekkert hefur lesið eða undirbúið sig fyrir þetta próf......

Já lífið er ekki alltaf dans á rósum

Allaveganna eru of margir þyrnar á þessum rósum þá,

að mínu mati!

Kannski ég dansi sóleyjum næst

Verð víst að éta ofan í mig það sem ég var að grobbast áðan.

Get andskotan ekkert sofið!!!! aaaarg próf á morgun sem ég er búin að lesa og lesa fyrir og ég get ekki sofið, get ekki hugsað til þess hvernig ég verð á morgun:(:(:(:(:(:(

Meira að segja búin að kveikja á friends en ekkert gerist.....

úff hvað ég ætla að sofa ALLAN morgundaginn

,,Ragnhildur vakna!! vakanaðu..... Ragnhildur vaknaðu við erum að fara niður á strönd, svo förum við til Bahamas á morgun! Raaaagnhildur vaknaðu....... ,,

úff þetta var þá draumur, ég þarf ekkert að læra hagfræði, það er ekkert próf á morgun mig var bara að dreyma, það eru ekkert 10 dagar eftir að kyrrsetu, próflestri og leiðindum.

mmmm lífið er yndislegt.....

Ingibjörg, afhverju vaktiru mig ekki fyrr?

Sólin er komin upp, ætla að fara að synda í sjónum:)

Jemundur minn hvað mig hlakkar til:)

1sta prófið mitt búið, mér til mikillar gleði, hagfræði á morgun sé fram á að lesa langt fram á nótt ef ég næ e-ð að sofa, hellingur eftir.
Hef lítið sem ekkert orðið vör við kvíða þessa próftörnina enda orðin uppdópuð af kvíðastillandi. Sef ágætlega á nóttunni sem þýðir að ég sef ekkert á daginn, svo það er í góðu en á móti þjáist ég af óvenju miklu einbeitangarleysi, ég bara get ekki setið kjurr á mínum mjúka rassi hoppa hérna um eins og ovirkur héri. Er alveg ótrúlega kærulaus og er svona slétt sama hvað ég fæ á þessu prófi á morgun svo lengi sem ég nái og það er bara alls ekki gott og ekki líkt mér!
Ég þó prísað mig sæla að vera ekki í kvíðagírnum því þá næði ég EKKERT að lesa, þegar ég set í þann gír þá get ég sofið heilu og hálfu sólarhringana streit og verð alveg rugluð, fyrir eitt stærðfræðiprófið í MS þurfi mín elskulega móðir að hringja í lækni því hún gat ekki vakið mig, það var þá sem ég ákvað að það væri komin tími á mig að taka frí frá skóla og skellti ég mér til DK nokkru seinna.
Pæliði í því ef ég hefði ekki farið, þá sæti ég ekki hér núna hmpf.....

allaveganna eða anyways eins og Sunna mín kýs að orða það ætla ég að fara að læra meiri hagfræði því mér finnst það svo gaman;)

Lifið heil

Og þið sem ekki eruð í prófum: count yourself as the luckiest people in the world! eru þið að melta hvað ég er orðin góð í Ensku þetta er klárlega Hafliði í ens 403 sem á heiðurinn af þessu;)